हलियकं छगू करोड ६६ लाख कोरोना सङक्रमणं थिक जुल
लहनान्युज | ञंलाथ्व ८ ११४०,भाद्र १० बुधवाः
![](https://www.lahananews.com/sites/default/files/wco2.jpg)
हलियकं छगू करोड ६६ लाख मनूत कोरोना भाइरसया सङक्रमणपाखे थिक जूगु दु ।
वल्डोमिटरया कथं निगू करोड ४० लाख ४१ हजार सङक्रमण खने दुगु खःसा छगू करोड ६५ लाख ९० हजार मनूत वासः याका छेँय् लिहा वःगु दु । दकलय् अप्व ५९ लाख २४ हजार म्हेसित सङक्रमण जूगु अमेरिकाय् ३२ लाख ५१ हजार म्ह छेँय् लिहा वने धुकुगु दु । अमेरिकाय् जक छगू लाख ८२ हजार स्वया अप्व मनू तयेगु ज्यान वने धुुकुगु दु ।
हलियकं कोरोनाया कारण च्यागु लाख २२ हजार व प्यसः सिगु ज्यान वने धुकुगु दु । अथेहे भारतय् जक आःतक ३२ लाख ३१ हजार स्वया अप्वसित कोरोना सङक्रमण पुष्टि जुगुलि ५९ हजार व खुसःम्हेसिगु ज्यान वने धुकुगु दु ।
वःगु २४ घण्टाय् जक भारतय् ६६ हजार सङक्रमित जूगु दु सा एक हजार ६६ म्हेसिगु ज्यान वःगु दु ।
Categorized in अन्तर्राष्ट्रिय