फेसबुकय् डिलिट यात ट्रम्पं थःगु स्टाटस
लहनान्युज | गुंलागा ३ ११४०,साउन २२ बिहीवाः
फेसबुकय् अमेरिकी राष्ट्रपति डोनाल्ड ट्रम्पं थःगु पोष्ट डिलिट याःगु दु । कोरोना भाइरसबारे ट्रम्पं याःगु थःगु पोष्ट फेसबुकय् न्हापागु पटक डिलिट याःगु दु ।
फेसबुक कम्पनीया कथं अमेरिकी राष्ट्रपति ट्रम्पं गलत सूचना सेयर याःगुलि उगु पोष्टयात डिलिट याःगु खः ।
ट्रम्पं स्टाटस नाप फक्स न्युज च्यानललयात बिःगु अन्तरवार्ताया छगू भिडियो क्लिप न तःगु खः । उगु भिडियोलय् ट्रम्पं कोरोना भाइरसपाखे मस्त लगभग सुरक्षित दु धका धाःगु खः ।
फेसबुकया प्रवक्तां थुगु भिडियोलय् कोरोना भाइरसबारे गलत दाबी याःगु धका धाःगु खः । थ्व जिमिगु नीतिया उल्लंघन खः । जिमिसं कोरोना भाइरस संक्रमणया विषय गलत सूचनाया प्रवाह विरुद्धय् दु धका धाःगु दु ।
तर थुकिया बारे ह्वाइट हाउसं छु न प्रतिक्रिया धाःसा मवःनि ।
