चीनय् सिनेमाघर चायेकल
लहनान्युज | दिल्लागा आमै ११४०,साउन ५ गते
![](https://www.lahananews.com/sites/default/files/uu%20%2887%29.jpg)
चीनय् वःगु खुला तक बन्द जुया च्वंगु हल आः चाये त्यःगु दु । कोरोना भाइरस सङ्क्रमण फैलै जुइ धका रोके याना तःगु लकडाउन लिपा लिह वये कथं चीनं सिनेमाघर न चाये क्यत्यःगु खः ।
चिनियाँ चलचित्र प्रशासनं लकम जोखिम जूगु थाय् सिनेमाघर चाये क्यःगु अनुमति बिःगु दु । चीनया यक्को थासय् कम जोखिम जूगु थासय् वर्गीकरण याना दक्को सिनेमाघर चाये क्यत्यःगु खः ।
वःगु जनवरी महिनां सुरु जूगु लकडाउनं चीनया सिनेमाघर बालाक्क प्रभावित जुगु खः । सिनेमाघर चाःसा क्षमताया ३० प्रतिशत जक दर्शक तये दइगु ब्यवस्था याःगु दु ।
दर्शकया म्हया तापक्रम नापे यायेगु व सिनेमाघरया कर्मचारी दक्को सिया अनिवार्य मास्क तये माःगु ब्यवस्था याःगु दु । न्हुगु सुरक्षा नियम कथं सिनेमाघरय् नयेगु व पेय पदार्थ मिइ दइ मखू ।
सन् २०१९ य् चीनया चलचित्र बजं गुगू अर्ब डलर स्वया अप्व ब्यापार याःगु खः । चीनया देय् यकं खुसः स्वया अप्व सिनेमाघर दु ।