वेष्टइन्डिजं न्हापागु टेस्टय् इंग्ल्याण्डयात बुकल
लहनान्युज | दिल्लागा अष्टमी ११४०,असार २९ सोमवाः
![](https://www.lahananews.com/sites/default/files/west-indies-test-squad.jpg)
जर्मेन ब्ल्याकउडं बांलाक्क ब्याटिङ याना ९५ रन दयेका वेष्ट इन्डिजं इंग्ल्याण्ड विरुद्धया न्हापागु टेष्ट प्यःगु विकेट त्याकुगु दु । स्वगू कासाया सिरिजय् आः वेष्ट इन्डिजं १—० यं न्ह्यने दु ।
लिपागु यलय् वेष्ट इन्डिजयात त्याकेत २०० रनया लक्ष्य वःगु खः । ब्ल्याकउडं ९५ रनया योगदानं वेष्ट इन्डिजयात त्याकेत ताः लागु खः ।
साउथह्याम्पटनया दी रोस बोल स्टेडियमय् इंग्ल्याण्डं २८४—८ पाखे लिपागु दिनय् सुरुवात याःगु २९ रन थपे याना निगु २ विकेट गुमे याना ३१३ अल आउट जूगु खः ।
वेष्ट इन्डिजया शानन गाब्रीएललं थुगु इनिङ्य् न्याःगु विकेट काःगु खः ।
आः मेगु निगू व स्वगू तेस्रो टेष्ट म्यानचेष्टरय् जुइ ।
Categorized in कासा