वेष्ट इन्डिज न्हापागु टेस्टय् ९९ रन न्ह्यने
लहनान्युज | दिल्लागा षष्ठी ११४०,असार २७ शनिवाः
![](https://www.lahananews.com/sites/default/files/west.jpg)
वेष्ट इन्डिजं इंग्ल्याण्ड विरुद्धया न्हापागु कासाया न्हापागु टेष्टय् स्वन्हुया दुने ९९ रनं न्ह्यने लाःगु दु ।
स्वन्हुया दुने ५७ —१ न्ह्यने न्ह्याकुगु कासाय् वेष्ट इन्डिजें १०२ ओभर म्हिता दक्को विकेट गुमे याना ३१८ रन दयेकुगु खः । स्वन्हुया दुने थःगु निगूगु इनिङ्स सुरु याम्ह इंग्ल्याण्डं बिना क्षति १५ रन दयेका स्टम्प्स जुगुलि वेष्ट इन्डिजं ९९ रनं न्ह्यने लाना च्वंगु दु ।
वेष्ट इन्डिजया लागि ओपनर क्रेग ब्रेथवेइटें दकलय् अप्व ६५ रन दयेकुगु खः । अथेहे विकेटकिपर शेन डवरिचं ६१, रोस्टन चेसं ४७ रनया योगदान याःगु खः।
इंग्ल्याण्डया लागि कप्तान बेन स्टोङ्क्सं प्यःगू विकेट काःगु खः सा जेम्स एण्डरसनं स्वगू व डम बेसं निगू विकेट काःगू खः ।
साउथह्याम्पटनय् जुगु कासाय् टस त्याका न्हापांगु ब्याटिङ यासे घरेलु टोली इंग्ल्याण्ड न्हापागु इनिङय् २०४ रनय् अलआउट जूगु खः ।
वेष्ट इन्डिजया कप्तान ज्यासन होल्डरं न्हापागु इनिङ्य् याकचा हे खुगु विकेट काःगु खः ।
Categorized in कासा