बार्सिलोनां स्पानोयलयात छगू गोल त्याकल
लहनान्युज | दिल्लागा चौथी ११४०,असार २५ बिहीवाः
![](https://www.lahananews.com/sites/default/files/baca.jpg)
स्पेनिस ला लिगाय् बार्सिलोनां स्पानोयलयात त्याकूगु दु । वःगु चान्ह्यः जूगु कासाय् बार्सिलोनां स्पानोयलयात छगू शून्यं त्याकूगु खः ।
थुगु कासा लिपा बार्सिलोनाया शीर्ष स्थानय् लाना च्वंगु रियाल मड्रिड आः छगू ल्याखं जक न्ह्यने लाःगु दु ।
घरेलु मैदान क्याम्प नोउय् जूगु कासाय् बार्सिलोनाया लागि छगू जक गोल लुइस स्वारेजं याःगु खः । रेलिगेसनय् लाना च्वंगु स्पानोयल विरुद्ध न्हापागु हाफ गोल मजुसे बराबरी जूगु खः । लिपा बार्सिलोनां ५६ गू मिनेटय् लुइस स्वारेजया छगू गोल याना न्ह्यने लागु खः ।
थुगु कासा लिपा बार्सिलोनाया ३५ गू कासाय् ७६ ल्याः दु । शीर्ष थासय् लाना च्वंगु रियलया ३४ गू कासाय् ७७ ल्याः हया न्ह्यने दु ।