सुदूरपश्चिम प्रदेशय् ५१५म्हेसित कोरोना संक्रमण
लहनान्युज | दिल्लाथ्व त्रयोदशी ११४०,असार १९ शुक्रवाः
![](https://www.lahananews.com/sites/default/files/c11.jpg)
राष्ट्रिय जनस्वास्थ्य प्रयोगशाला येँ, पाटन अस्पताल प्रयोगशाला यल, शिक्षण अस्पताल प्रयोगशाला व धनगढीया प्रयोगशालाय् याःगु परीक्षणय् थौं छन्हु हे ५१५म्हेसित कोरोना संक्रमण खने दुगु दु ।
राष्ट्रिय जनस्वास्थ्य प्रयोगशालाय् १४७म्ह, त्रिवि शिक्षण अस्पतालय् ९६म्ह, पाटन अस्पतालय् २०७म्ह व धनगढीया सेती प्रादेशिक अस्पताल प्रयोगशालाय् ६५म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु ।
सुदूरपश्चिमय् दकलय् अप्व अछाम जिल्लाय् २३०म्हेसित संक्रमित जुगु दु । अथेहे कैलालीइ ५८म्ह, बाजुराय् ५३म्ह, डोटीमा ४७म्ह, कञ्चनपुरय् ४५म्ह, बैतडीइ ४०म्ह, डडेल्धुराय् २८म्ह व बझाङय् १४ म्हेसित संक्रमित खनेदुगु खः ।
थौं शुक्रवाः दकलय् अप्व संक्रमितपि अछामया साँफेबगर नगरपालिकाय् ५२म्ह, चौरपाटी गाउँपालिकाय २४म्ह, ढकारी गाउँपालिकाय् २७म्ह, मङ्गलसेन नगरपालिकाय् २९म्ह, तुर्माखाँद गाउँपालिकाय् १९म्ह, मेल्लेख गाउँपालिका १५ म्हेसित कोरोना संक्रमित जूगु दु ।
अथेहे बान्नीगढी जयगढ गाउँपालिकाय् २९म्ह, कमलबजारय् न्ह्यम्ह व पञ्चदेवल विनायक नगरपालिकाय् खुम्हेसित संक्रमणया पुष्टि जूगु धका जिल्ला स्वास्थ्य कार्यालय अछामया सूचना अधिकारी धाःगु दु ।