लुँतिइ लकडाउनया इलय् निःशुल्क नकेगु व्यवस्था
नृपेन्द्रलाल श्रेष्ठ | बछलाथ्व अष्टमी ११४०, बैसाख १९ शुक्रवाः
![](https://www.lahananews.com/sites/default/files/lu1.jpg)
सरकारं लकडाउनया कारणं अप्वों मनूतयेत नयेगु समस्या जुयाच्वंलि थौंकन्ह्य येँ महानपालिकाया सहकार्य थाय् थासय् निःशुल्क नकेगु व्यवस्था याना वया च्वंगु दु ।
येँया ढल्को त्वालय् न चैत्र ११ गते निसे लुँति अजिमा द्यःया थाय् न सनिलया ५ बजेनिसे ७ वजे तक अथे निःशुल्क नकेगु व्यवस्था याना वयाच्वंगु दु ।
द्यःपाला गुथि व पुरानो ढल्को टोल सुधार समितिया मंकाः ग्वसालय् न्हि २०० म्ह मनू तयेस निःशुल्क नकेगु व्यवस्था याना च्वनागु धका गुथिया सदस्य राजु सिं चन्दनं लहनान्युजयात जानकारी बियादिगु खः ।
नकेगु लागि येँ महानगरपालिकां जाकि व दाल व शहरी बिकास राज्यमन्त्री मा. रामवीर मानन्धरपाखे तरकारी ग्वाहालि याना वयाच्वंगु नाप स्थानीय गुथियारपिन्स न माःगु ग्वाहालि दुुगु गुथिया सदस्य राजु सिं जानकारी बियादिगु दु ।