यल सुनचाँदी व्यवसायी संघ राहत इन
लहनान्युज | बछलाथ्व पंचमी ११४०, बैसाख १६ मंगलवाः
![](https://www.lahananews.com/sites/default/files/20200428_104112.jpg)
यल सुनचाँदी व्यवसायी संघं थौं हःखः त्वालय् भारतीय मूलया बंगाली कालिगढ तय्त राहत बिउगु दु ।
लकडाउनया इलय् नेपालय् च्वनाच्वंपिं बंगाली मूलया कालिगढतय् नये त्वने समस्या जुगुलि थौं मंगलवाः कालिगढतय्त सःताः राहत बिःगु खः ।
संघ थौं बिःगु निसःम्ह कालिगढतय्त राहत कथं छम्हसित ५ किलो जाकि, ३ किलो आटा, १ किलो दाल, १ पाकेट चि, १ किलो चिनी बिःगु खः ।
![](https://www.lahananews.com/sites/default/files/pictures/20200428_103429.jpg)
संघं आः मेगु निगूगु चरणय् राहत नेपाली कालिगढतय्त बीगु खँ धाःगु दु ।