हेटौंडाय् एण्टिबडी पोजिटिभ खनेदुपिनिगु पीसीआर रिपोर्ट नेगेटिभ
ने.सं. ११४० चौलागा नवमि (१७ अप्रिल २०२०), शुक्रवाः
![](https://www.lahananews.com/sites/default/files/co_2_0.jpeg)
हेटौंडा महानगरपालिका दुने याःगु र्यापिड टेष्टय् एण्टिबडी पोजिटिभ खनेदुपिं प्यम्हेसिगु पीसीआर रिपोर्ट नेगेटिभ वःगु दु ।
हेटौंडा–१०य् च्वंगु कोरोना परीक्षण प्रयोगशालापाखें प्राप्त जूगु रिपोर्टकथं उमिगु नेगेटिभ लूगु प्रयोगशालां न्ह्यथंगु दु । थौं सुथय् स्वाबया पीसीआर रिपोर्ट नेगेटिभ वःगु बागमती प्रदेश सामाजिक विकास मन्त्रालयं न्ह्यथंगु दु ।
हेटौंडा–४य् च्वंगु बासुदेव सभागृहस म्हिगः विहिवाः याःगु पीम्हेसिगु टेष्ट मध्ये भारतया विहार छेँ जुयाः हेटौंडा–४य् थःथितिपिन्थाय् वःम्ह ५५दँया मिसा, भारत वनाः लिहां वःम्ह हेटौंडा–२या ६७दँ दुम्ह छम्ह ज्याथः, भारत बैंग्लोरपाखें लिहांवःम्ह हेटौंडा–५या २४दँया ल्याय्म्ह व साउदी अरबपाखें लिहांवःम्ह हेटौंडा–४या ३२दँ दुम्ह छम्ह मिजंया र्यापिड टेष्टय् एण्टिबडी पोजिटिभ खनेदुगु खः । उपिं आइसोलेसनय् च्वनाच्वंपिं खः ।
Categorized in राष्ट्रिय