शंखधर नेपालय् क्यन
लहनान्यूज सम्वाददाता | कछलागा द्वादशि ११३७ (नोभम्बर २६ २०१६)
![](https://www.lahananews.com/sites/default/files/sankha_0.jpg)
नेपाःया दक्कले न्हापांगु एनिमेसन संकिपा ‘शंखधरया बाखं’ नेपालय् न्हापांगु शो क्यनेज्या जूगु दु ।
थौं येँय् शंखधरया बाखं क्यँसें संकिपा नेपालय् नं रिलिज याःगु खः । संकिपाया दक्कले न्हापाुं प्रिमियर शो धाःसा बेलायतय् जूगु खः ।
संकिपा क्यनेज्याझ्वलय् संकिपा दयेकेत लिसें प्रचार प्रसारय् ग्वाहालि याःपिन्त सुभाय् पौ नं देछाःगु खः ।
यन्त्रकला स्टुडियोया ब्यानरय् दयेकूगु संकिपाया धकिं बाखं च्वयेगु लिसें दृश्य सम्पादन व निर्देशनया ज्या नं संयुक्त श्रेष्ठं यानादीगु खः । संकिपाया निर्माता नं श्रेष्ठ हे खः ।
नेपाल संवतया प्रवर्तक शंखधर साख्वाःया बाखनय् आधारीत संकिपाया एनिमेशनया ज्या संयुक्त श्रेष्ठलिसें अन्जना श्रेष्ठ व नियुक्त श्रेष्ठं यानादीगु खः ।
Categorized in मनोरन्जन