येँ मनपा फागनु १८ लिपा विदेश लिहा वपिनिगु अभिलेख तइगु
लहनान्युज | चौलाथ्व तृतिया ११४०
![](https://www.lahananews.com/sites/default/files/ktm_0.jpg)
येँ महानगरय् न्हिया न्हिथं जीवनयापनयात सहज दयेकेगु लागि येँ महानगरपालिकां ३२ गु वडाय् इनाप याःगु दु ।
कोरोना नियन्त्रण तथा रोकथामया लागि सरकारं लकडाउन याये धुका थनाया जनजिवन छु भचा असहज जुगुलि फयापतले सहज दयेकेगु लागि येँँ महानगरपालिकाया प्रमुख बिद्यासुन्दर शाक्यया निर्देशन अनुसार प्रशासन विभाग प्रमुख नमराज ढकालं ३२ गु वडाय् पौ च्वया अथे इनाप यानादिगु खः ।
प्रशासन विभाग प्रमुख ढकालया ल्हाःचिं तया ३२ गु हे वडाध्यक्षयात पौं च्वया वडापाखे सम्पादन जुया च्वंगु फहोर व्यवस्थापन ज्या प्रभावकारी ढंग यायेत अथे इनाप यानादिगु खः ।
अथहे, वडा दुगु खाद्यन्न पसः नियमित रुपं सञ्चालन यायेगु व याकेगु फया फतले छेँय् छेँय् हे सामान आपूर्ति याकेगु लागि प्रहरीया ग्वाहालि कया सहजिकरण यायेत धाःगु दु ।
‘थःगु वडा अन्तरर्गत न्हिया न्हिथं ज्यायाइपि ज्यालादारी, मजदुरी याइपि नाप सतकय् च्वनिपिन्त लक्षित यासे कोभिड–१९ रोकथाम व नियन्त्रणया लागि वडाय् जम्मा जुगु ध्यवा माःगु राहत ग्वाहालि यायेत,’ न धाःगु दु,
‘वडाय् अति विपन्न व खुलानिसे वडाय् बसोवास याना वयाच्वपि श्रमिक कामदारपिनगु विवरण संकलन याना कामपा प्रशासन विभागमा बुझे यायेत धाःगु खः ।’
अथेहे, मार्च १, २०२० (२०७६ फागुन १८) निसे विदेश भ्रमणयाना वडाय् वसोवास याना च्वपिनिगु नागरिक तयेगु अभिलेख तयार यायेत व इमिगु अवस्था गये च्व? विवरण सहित लगत तयार याना छ्वया हयेत वडाय् इनाप याःगु खः ।
येँ महानगरपालिकां कार्यपालिकाया वःगु चैत ६ गतेया विषेश बैठकं १० करोडया कोष स्थापना यासे कोभिड–१९ रोकथाम व नियन्त्रणया ज्या यायेत तत्काल खर्च याना चिधःगु व तधःगु वडा कार्यालययात २,३,व ४ लाख निकाशा याउगु खः