वीर अस्पतालय् स्वीनिक्वःगु विश्व एड्स दिवस हन
पुर्णिमा शाक्य | थिंलाथ्व द्धादशी ११४० (दिसेम्वर ९ २०१९)
![](https://www.lahananews.com/sites/default/files/bir%20%281%29.jpg)
विश्व एड्स दिवसया लसताय् येँया बीर अस्पतालय् बिशेषज्ञपिं दथुइ प्यानल डिस्कसन यासे ३२क्वःगु विश्व एड्स दिबस तःजिक हन ।
![](https://www.lahananews.com/sites/default/files/pictures/bir%20%282%29.jpg)
बीर अस्पतालया ए.आर.टी. क्लिनिकया एच.आई.भी. बिशेषज्ञ डा. सुशील कुमार शाक्य मोडरेटर जुयाः न्ह्याकूगु उगु ज्याझ्वलय् बिशेषज्ञपिं वीर अस्पतालया सर्जरी बिभाग प्रमुख डा. किरण श्रेष्ठ, इन्टर्नल मेडिसिनया कोअर्डिनेटर डा. मनेन प्रसाद गोर्खाली, एफ.एच.आई. लिंकेज नेपाःया टेक्निकल एड्भाईजर डा. दुर्गा भण्डारी, राष्ट्रिय एड्स तथा यौन रोग नियन्त्रण केन्द्रया वरिष्ठ जनस्वास्थ्य अधिकृत मदनकुमार श्रेष्ठ, संक्रमितपिनीगु महासंघया नायः राजेश दिदिया व ए.एच.एफ.नेपाःया कन्ट्री प्रोग्राम म्यानेजर दिपक ढुंगेलपिन्सं थःथःगु क्षेत्रं यानावयाच्वंगु योगदान व एच.आई.भी.संक्रमितपिन्त याय्फइगु ग्वाहालिया खँय् न्ह्यसः लिसःनिसें सहलह ब्याकेगु ज्या जुल ।
![](https://www.lahananews.com/sites/default/files/pictures/bir%20%283%29.jpg)
वीर अस्पतालया का.मु.निर्देशक डा. बिष्णु दत्त पौडेलया सभाध्यक्षताय् न्ह्याःगु उगु ज्याझ्वः पूर्णिमा शाक्यं न्ह्याकादीगु खः । ज्याझ्वलय् थ्यंमथ्यं निसलं मयाक्क मनूतयसं ब्वति काःगु खः ।