भुटानयात बंगलादेशं १० विकेटं त्याकल
लहनान्युज | थिंलाथ्व नवमी ११४० (दिसेम्वर ६ २०१९)
![](https://www.lahananews.com/sites/default/files/Bhutan-vs-Bangladesh.jpg)
१३ क्वःगु साग अन्तर्गत भुटान व बंगलादेश विरुद्धया मिजं क्रिकेट तयेगु कासाय् बंगलादेशं १० विकेट त्याकुगु दु ।
भुटान बिउगु ७० रनया लक्ष्य बंगलादेश ६.५ ओभरय् त्याकेत तालागु खः ।
टस त्याका भुटानं न्हापां ब्याटिङ याउगु खः । भुटानया ओपनरपिन्स न्हापागु विकेटया लागि २९ रनया पार्टनरसीप याउगु खः ।
ओपनर तेन्जेन वाङ्चुक जुनियरं २९ बलय् १५ रन हे दकलय् अप्वो रन दयेकुगु खः ।
बंगलादेशया मनिक खानं ४ ओभरय् ९ रन खर्च याना २ विकेट काउगु खः ।
बंगलादेशं ७० रनया लक्ष्य अनुभवी ब्याट्सम्यान सौम्य सरकारं २८ बलय् अविजित अद्र्ध सतक थ्याउगु खःसा मेम्ह ओपनर मोहम्मद नाइमं १३ बलय् छगु छक्का नाप अविजित १६ रन दयेकुगु खः ।