एनआईशी एसिया बैंक यल शाखाया उलेज्या
लहनान्युज | कौलाथ्व पंचमी ११३९ (अप्टुवर ३ २०१९)
![](https://www.lahananews.com/sites/default/files/71678123_2463968903716589_7792147195611840512_n.jpg)
अरनिको व्यावसायिक प्रर्वद्धन तथा सांस्कृतिक समाजया अध्यक्ष अजरमान जोशीं बैंक तथा वित्तीय संस्थां यलय् कला व संस्कृति नाप परम्परा जर्गेना यायेगु लागि विशेष ग्वाहालि यायेमा धका धयादिगु दु ।
प्रयागपोखरी च्वंगु एनआईसी बैंकया उलेज्या यानादिसे अध्यक्ष जोशीं थथे धयादिगु खः ।
बैंक तथा वित्तीय संस्थां सामाजिक दायित्व अन्तर्गत यलय् कला, संस्कृति, भाषा नाप परम्परा जर्गेना ज्या यायेगु लागि बः बियादिगु दु ।
उगु ज्याझ्वलय् एनआईशी एसिया बैंक प्रदेश नं ३ या उपप्रमुख लक्ष्मण चालिसे बैंकं यलया उद्यमी व्यवसायी, सर्वसाधारण, हस्तकला व्यवसायीया आकाक्षा ध्यान तया ज्या यायेगु लागि प्रतिबद्धता प्वकादिगु खः ।