पारस खड्काया न्हापांगु कीर्तिमानी शतक
लहनान्युज | यंलागा औशी ११३९ (सेप्तेवर २८ २०१९)
![](https://www.lahananews.com/sites/default/files/paeas1.jpg)
पारसखड्काया कीर्तिमानी शतक नाप नेपालं सिंगापुरयात ९ विकेटं बुकुगु दु ।
त्रिकोणात्मक सिरिजय् नेपालं न्हापागु कासा त्याकुगु दु ।
सिंगापुरं बिउगु १५२ रनया लक्ष्य नेपालं १६ ओभरय् छगु विकेटया नोक्सानी उगु लक्ष्य थ्यकुगु दु ।
नेपालं न्हापागुु विकेट ९ रन वःगु खःसा निगुगु विकेटया लागि आरिफ शेखनाप मिले जुया पारस खड्कां १४५ रनया साझेदारीयासे ४९ बलय् सिंगापुरया कप्तान टिम डेभिडया बलय् छक्का थ्वाना शतक पुरा याउगु खः ।
थ्व नाप टी —२० लय् शतक दयेकुम्ह न्हापाम्ह नेपाली क्रिकेटर न जुगु दु । अथेहे एकदिवसीय क्रिकेटय् न शतक दयेकुम्ह न्हापाम्ह नेपाली क्रिकेटरया रेकर्ड न वयाःगु हे नामय् दु ।
५७ बलया सामना याना पारसं गुगुं छक्का व न्ह्यगु चौका नाप अविजित १०६ रन दयेकुगु खः । नेपालया कप्तान पारस ‘म्यान अफ दि म्याच’ न घोषित जुगु खः ।