उपमेयर सत्यालपाखें पर्यटकयात प्रवेश पास
नृपेन्द्रलाल श्रेष्ठ | यंलागा औशी ११३९ (सेप्तेवर २८ २०१९)
![](https://www.lahananews.com/sites/default/files/yal.jpg)
यल लाय्कु स्वयेगु लागि वपि ३०म्ह पर्यटकपिन्त निशुल्क प्रवेश बिउगु दु ।
४० क्वःगु विश्व पर्यटन दिवसया लसताय् शुक्रवाः यलया लाय्कुलि दुहा वयेगु लागि ३० म्ह पर्यटक तयेत सितिक दुहा वयेगु व्यवस्था याउगु दु ।
यल महानगरपालिकाया उपमेयर गीता सत्यालं शुक्रवाः सुथय् यल लाय्कु स्वयेगु लागि दकलय् न्हापा वःपि ३० म्ह पर्यटक तयेत टपुलि व दोसल्ला न्ययेका लसकुस यासे प्रवेश पास लल्हाःगु
खःसा च्याः गिफ्ट भौचर व छन्हुया लागि डिनर कुपन तक लल्हाःगु खः ।
अथेहे शुक्रवाः सुथय् लाय्कुलिं मिसापिन् स धिमे बाजंया तालय् प्याखं व लाखे प्याखं क्यना लसकुस याउगु खः ।
पर्यटक तयेत ज्यापू समाज अध्यक्ष चन्द महर्जन नाप बौद्ध बिहार संघ, चाईनिज गाइड एसोसियसनया दुजः तयेगु न ब्बति दुगु खः ।