नाडालं त्याकल यूएस ओपन टेनिस
लहना न्यूज | ने.सं. ११३९ ञलांथ्व एकादशि, (९ सेप्टेम्बर, २०१९), सोमबाः
![](https://www.lahananews.com/sites/default/files/Rafael-Nadal.jpg)
स्पेनिस टेनिस स्टार राफेल नाडालं करियरया झिंगुंगू ग्राण्डस्लामया उपाधि त्याकूगु दु ।
नाडालं आइतवाः सुथय् जूगु कासाय् यूएस ओपन टेनिसया उपाधि त्याकूगु खः । वय्कलं रसियाया डानियल मेडभेडेभयात ३–२या सेटं बुकूगु खः ।
स्वीस्वदँ दुम्ह नाडालं सुरुवाती निगू सेट त्याःसा नं व लिपाया २गू सेट बूगु खः । तर न्यागूगु सेट त्यायेवं नाडालं उगु उपाधि त्याकूगु खः ।
निगूगु वरियताया नाडालं न्हापांगु सेट ७–५ व निगूगु सेट ६–३या ल्याखं त्याःगु खः । तर स्वंगूगु व प्यंगूगु सेट धाःसा मेडभेडेभं ७–५ व ६–४ ल्याखं त्याकाः कासा बराबरी याःगु खः । दकलय् लिपांगु सेट नाडाल ६–४या सेटं त्याकाः यूएस ओपन टेनिसया उपाधि थःगु कब्जाय् लाकल । तसकं न्ह्यइपुक्क क्वचाःगु फाइनल कासा प्यघौ व न्यय्छगू मिनेटतक न्ह्याःगु खः ।
झिंगुंगू ग्राण्डस्लाम उपाधि त्याकेत ताःलाःम्ह नाडाल स्वीस कासामि रोजर फेडररया कीर्तिमान लिक्क थ्यनेत छगू उपाधि जक ल्यूने लानाच्वंगु दु । फेडररं २०गूगु ग्राण्डस्लाम उपाधि त्याकेधुंकूगु दु ।
Categorized in कासा