अमेरिकाय् १६दँ लिपा मृत्युदण्डया सजाँय कार्यान्वयन जुइगु
लहना न्यूज | ने.सं. ११३९ दिल्लागा नवमि (२६ जुलाइ, २०१९), शुक्रवाः
अमेरिकां १६दँ लिपा मृत्युदण्डया सजाँय कार्यान्वयन याइगु जूगु दु ।
न्याय मन्त्रालयं मृत्युदण्डया सजाँय कार्यान्वयन यायेगु घोषणा याःगु खः । महान्यायाधिवक्ता विलियम बारं अमेरिकाया “ब्यूरो अफ प्रिजन्स” बिओपीयात न्याम्ह कैदीयात मृत्युदण्डया तिथि क्वःछीत निर्देशन ब्यूगु दु ।
मस्त नापं ज्याथःपिन्त स्याःगुलिसें बलात्कारया मुद्दाय् दोषी ठहर जूपिं न्याम्ह कैदीयात मृत्युदण्डया सजाँय बीत्यंगु न्याय मन्त्रालययात उद्धृत यासें बिविसीं न्ह्यथंगु दु ।
उमित वइगु डिसेम्बर व सन् २०२०या जनवरीइ मृत्युदण्ड बीगु न्ह्यथंगु दु ।
Categorized in अन्तर्राष्ट्रिय
