विश्वकप क्रिकेट इंग्ल्याण्डं त्याकल
लहनान्युज | दिल्लाथ्व चर्तुदशी ११३९ (जुलाई १५ २०१९)
![](https://www.lahananews.com/sites/default/files/england.jpg)
तसकं रोमाञ्चक प्रतिस्पर्धाय् न्यूजिल्याण्डयात बुकाः इंग्ल्याण्डं न्हापंगु क्रिकेट वर्ल्डकप त्याकेत तालाःगु दु ।
इंग्ल्याण्डं सुपर ओभरय् व निर्धारित ५० ओभरय् २२ चौका व २ छक्का थ्वाःगुु खःसा न्यूजिल्याण्डं १४ चौका व २ छक्का थ्वाःगु खः ।
निर्धारित ५० ओभर व सुपर ओभरय् न बराबरी जुगुनि बाउण्ड्री थ्वाःगुया आधारय् इंग्ल्याण्डयात विश्वविजेता याःगु खः ।
न्यूजिल्याण्ड ब्युगु २४२ रन ज्वना इंग्ल्याण्डं निर्धारित ५० ओभरय् ८ विकेटया क्षतिइ २४१ रन दयेका कासा बराबरी जुगु खः ।
सुपर ओभरय् इंग्ल्याण्डं न्हापां ब्याटिङ यासे १५ रन दयेकुगु खः ।
अथेहे न्यूजिल्याडयात त्याकेगु लागि १६ रन माःगु खः तर १५ रन हे जक दयेकेत तालाःगु खः ।
इंग्ल्याण्डयात बाउण्ड्री यक्को थ्वाःगुया कारण च्याम्पियन जुइत तालाःगु खः ।