परिस्थिति अनुकूल जूसा थः हाकनं प्रधानमन्त्री जुइ : नेकपा नायः दाहाल
लहनान्युज | ने.सं. ११३९ बछलागा त्रियोदशि (१ जुन, २०१९)
![](https://www.lahananews.com/sites/default/files/Chair-Dahal-Prachanda.jpg)
नेपाल कम्युनिस्ट पार्टी (नेकपा)या नायः पुष्पकमल दाहालं परिस्थिति अनुकूल जूसा थः हाकनं प्रधानमन्त्री जुइगु धयादीगु दु ।
देशया परिस्थिति नापं पार्टीया निर्णयपाखें सहमतिया आधारय् दच्छिया दुने प्रधानमन्त्री जुइगु दाहालया धापू खः ।
थ्व हे झ्वलय् दाहालं पार्टी एकताया इलय् याःगु सहमतिया कार्यान्वयन जुइगु नं विश्वास प्वंकादिल । ‘जिं न्हूगु खँ ल्हानागु मदु, सहमति कार्यान्वयन यायेमाः धकाः न्हापांनिसें धया वयाच्वनागु खः ।’
विराटनगरय् थौं सञ्चरवाः पत्रकारतलिसे खँ ल्हानादिसें दाहालं धयादिल, ‘जि प्रधानमन्त्री जुइगु धइगु पार्टीं क्वःछीगु खँ खः ।
परिस्थिति गुकथं विकास जुजुं वनी, उकी निर्भर जुइ ।’ पार्टी एकताया इलय् याःगु सहमतियात इमान्दारीतापूर्वक कार्यान्वयन याःसा थः प्रधानमन्त्री जुइगु दाहालया धापू खः ।
Categorized in राष्ट्रिय