कोथु्ननी बारे मन्त्री पद्मा कुमारी अर्यालयात ध्यानाआकर्षण
नृपेन्द्रलाल श्रेष्ठ | बछलाथ्व दशमी ११३९ (मे १४ २०१९)
![](https://www.lahananews.com/sites/default/files/aaa.jpg)
अनसनय् च्वंगु झिंन्याःगु शताब्दीया कोथुननी स्यंकाः ब्यापारिक कम्प्लेक्स दयेकेत्यंगु जुयाः थुकिया बिरोधय् थौं बछलाथ्व १० मंगलवाःकुन्हु भूमि व्यवस्था, सहकारी तथा गरिबी निवारण मन्त्रालयया मन्त्री पद्मा कुमारी अर्यालया ज्याकुथिइ छगु डेलिगेसन वनीगु ज्या जुल ।
![](https://www.lahananews.com/sites/default/files/pictures/aacc_1.jpg)
पुरातात्विक महत्वं संरक्षण यायेमाःगु छेँ यात थुनाः कम्प्लेक्स दयेकेत्यंगु जुयाः थुकियात तुरन्त हे दिकेमाल धकाः मन्त्री अर्यालयात संघीय सांसद जीवनराम श्रेष्ठ व रामवीर मानन्धरपाखें ध्यानाकर्षण याःगु खः ।
नेवाः ह्यलुवा नापं सम्पदाप्रेमी उमेश स्थापित, रविन्द्र श्रेष्ठ पाखें मन्त्री अर्यालयात उगु छेँया पुरातात्विक महत्व व इतिहासबारे जानकारी बील ।
डेलिगेसन पुचलय् २५ वडा सदस्य कमलतारा स्थापित लिसें सञ्चारकःमिपिं नृपेन्द्रलाल श्रेष्ठ, सुरेन्द्रभक्त श्रेष्ठ व अरर्बिन्द्रमान सिंह पिनिगु उपस्थति दुगु खः ।
Categorized in राष्ट्रिय