यलय् डब्लु के डिजाइनया निक्वःगु आउटलेट
नृपेन्द्रलाल श्रेष्ठ | चौलागा आमै ११३९ (मे ४ २०१९)
यलया युवा उद्यमीं विश्व चर्चित अन्र्तराष्ट्रिय ब्राण्ड डब्लु के डिजाइनया निक्वःगु न्हुगु पसःयलया कुमारीपाटीइ शुरु जुगु दु ।
दक्षिण पुर्वी एशिया नाप ६० स्वया अप्वो देशय् दुगु बजार दुगु डब्लू के कम्पनीें नेपालया आधिकारीक बिक्रेता टेकम्याक्स इन्टरनेशनलया निक्वःगु आधिकारिक स्टोर नेपाली राट्रिय क्रिकेट टिमया कप्तान पारस खड्कां छगु ज्याझ्वः दथुइ उलेज्या यानादीगु खः ।
निसः निसे ६० द्धः तक सुलभ मूल्यय् उपलब्ध कम्पनीया गुणस्तरयुक्त थीथी सामानया खुला रिप्लेसमेन्ट वारेण्टी दुगु धका युवा उद्यमी प्रविन महर्जनं धयादीगु खः ।
कम्पनीं याकन हे येँया बानेश्वर, बौद्ध, न्यूरोड, पोखरा व नारायणघाटया सिजी मल लगायत देय् थीथी थासय् आधिकारीक आउटलेटया स्थापना यायेगु जानकारी बियादीगु खः ।