माणिकलालया ‘समालोचनाया सिद्धान्त २’ पिदन
लहनान्युज | पोहेलागा एकादशी ११३९ (जनवरी ३१ २०१९)
![](https://www.lahananews.com/sites/default/files/51284376_317438972239011_436213152212844544_o.jpg)
बरिष्ठ समालोचक प्रो. माणिक लाल श्रेष्ठया ‘समालोचनाया सिद्धान्त २’ यलय् थौं छगु ज्याझ्वः दथुइ पितब्वज्या जूगु दु ।
थौं छगु ज्याझ्वः दथुइ यलया मेडिसिटि अस्पतालयय् बाखं च्वमि राजा शाक्यं पितब्बज्या यानादीगु खः । अथेहे च्वमि प्रो.श्रेष्ठयात पिदंगु सफू नापं बुद्धया प्रतिमा लःल्हानादीगु खः ।
थौंया ज्याझ्वलय् उपन्यासकार नापं बाखं च्वमि मथुरा साय्मि, नाटककार नापं समालोचक पुष्पबहादुर चित्रकार, डा. बाल गोपाल श्रेष्ठ, श्रीलक्ष्मी श्रेष्ठ, शरद कसाः, बिमल ताम्राकार, बिष्णु केशरी ताम्राकार, प्रो. श्रेष्ठया तःधिकःम्ह काय् डा. मलख, बिजय रत्न बज्राचार्य नाप राजेन्द्र रञ्जितपिसं ब्वतिकयादीगु खः ।
राजा शाक्यया कुतलय् कुतः पिकाकःया निसः व पीगुंगूगु पिथना कथं पिदंगु खः । लुमंके बहःजू ने.सं. १०८८ स ‘समालोचनाया सिद्धान्त’ पिदंगु खः ।
बुखँ नेवाः सुचना केन्द्र किपा राजेन्द्र रंजित
Categorized in राष्ट्रिय