यल ३ न वडाय् फोहरमैला चेतना अभियान न्ह्याइगु
नृपेन्द्रलाल श्रेष्ठ | थिंलागा औंसी ११३९ (जनवरी ५ २०१९)
![](https://www.lahananews.com/sites/default/files/ward.3.jpg)
यल महानगरपालिका ३ न वडाय् कन्ह्यनिसें फोहरमैला चेतना ज्याझ्वः अभियान न्ह्याइगु जुगु दु । उगु ज्याझ्वः कथं प्लाष्टिक झोला छ्यला बुलाय् बन्द याये त्यःगु दु । थौं छगु पत्रकार सम्मेलनया थुगु खँया जानकारी बियादीगु खः ।
थःगु थाय् थःम्हेसिया हे सफा याये धइगु नारा ज्वना कन्ह्य छगु ज्याझ्वः दथुइ यल क्षेत्र न. ३ या सांसद पम्फा भुषाल उलेज्या यानादीगु ज्याझ्वः दु ।
यल मनपा वडा ३ या २५ गु संघ संस्थाया सक्रियताय् जुइगु उगु ज्याझ्वलय् कन्ह्य निसें ध्वगिइगु फोहर वांछ्यत वाःगु बाल्टिन व ध्वगिइगु फोहर वांछ्यत ह्यागु बाल्टिन वडाय् इनिगु ज्याझ्वः
दु ।
थुगु वडां याकन हे न्हुगु ज्याझ्वः कथं ३ नम्वर वडा गज्यागु जुइमा धइगु छगु ज्याझ्वः यायेत्यःग्ु दु । उगु योजना न्ह्यब्बम्हेसित २५ द्धः तका नगदया सिरपा न बिइगु दु ।