अमेरिकाया राष्ट्रपति चुनावया लिच्वः वयेगु सुरु जूगु दु। ५० गु राज्यमध्ये ३० गु राज्यया लिच्वः वये धुकुगु दु। लिच्वः वःगुलि २० गु थासय् रिपब्लिकन पार्टीया डोनाल्ड ट्रम्प व झीगुलि डेमोक्रेटिक पार्टीया कमला ह्यारिसं त्याकूगु दु।

आःतक वःगु लिच्वः अनुमान स्वया बिस्कं वःगु दु धका अमेरिकी सञ्चार माध्यमं धाःगु दु। डेमोक्रेटिक पार्टीया बालागु कथं कयातःगु  ब्लू स्टेटया ह्यारिसं त्याकूूगु दु। रिपब्लिकनया बालागु थाय् कथं कयातःगु रेड स्टेटय् ट्रम्पं त्याकूगु दु।

निर्णायक कथं कयातःगु न्ह्यगू स्वीङ स्टेटया लिच्वः मवतले सू त्याइ धका धाये फइमखु धका अमेरिकाया सञ्चार माध्यमं खबर धका धाःगु दु। उगु स्टेटय् निम्ह उम्मेदवार दथुइ मतान्तर तसक म्हो खने दु धका धाःगु दु। अमेरिकाया ५० गु राज्यय् ५३८ इलेक्टोरेल मत अर्थात् सिटया निति चुनाव जुइ। बहुमतया निति २७० सिट त्याकेमाः।

यदि चुनावी लिच्वः सुयागु न पक्षय् मवसा लिच्वःया निति सर्वोच्च अदालतय् वनेमालिइ। यदि निम्हं उम्मेदवारया दथुइ तसकं म्हो जुलकि सर्वोच्च अदालतं दकलय् लिपागु फैसला बिइमाः।

Categorized in अन्तर्राष्ट्रिय