न्युजिल्यान्डं स्वक्वःगु व लिपागु टेस्टय् भारतयात २५ रनं पराजित याःगु दु। मुम्बईया वानखडे स्टेडियमय् १ सय ४७ रन लक्ष्या ज्वना वःगु भारतं १ सय २१ रन जक दयकेत ताःलागु खः।

सन् २००० लिपा घरेलु शृङ्खलाय् भारत ह्वाइटवास जूगु थ्व हे न्हापागु पटक खः। स्वंगू टेस्टा शृङ्खलाय् न्युजिल्यान्ड ३–० न विजयी जुगु दु।

लिपागु दिं १ सया ४७ रनया लक्ष्य ज्वना भारतं ब्याटिगय् ऋषव पन्तबाहेक मेपि ब्याटरं बालाक्क प्रदर्शन याये मफुगु खः। ऋषवं ६४ रन दयकूगु खः।

कप्तान रोहित शर्मा न ११ व वासिङटन सुन्दरं १२ रन दयकूगु खः। घरेलु टोली २९ दशमलव १ ओभरय् अलआउट जूगु खः। न्यूजिल्याण्डया एजाज पटेलं ५७ रन बिया खुगु विकेट काःगु खः।

अथेहे ग्लेन फिलिप्सं स्वंगू व म्याट हेनरीं छगू विकेट काःगु खः। न्युजिल्यान्डं न्हापागु इनिङ्सय् २ सय ३५ रन दयकूगु खःसा भारतं २ सय ६३ रन दयकूगु खः। न्युजिल्यान्ड निगुगु इनिङ् १ सय ७४ रन दयका अलआउट जूगु खः।

Categorized in कासा