टी–२० अन्तर्राष्ट्रिय क्रिकेटय् छु हे इनिङय् दकलय् अप्पो रन दयकूगु नेपाःया कीर्तिमान त्वाःधःगु दु। जिम्बाब्बे न आईसीसी टी–२० विश्वकप अफ्रिका सब रिजनल क्वालिफायर बी अन्तर्गत कासाय् जाम्बिया विरुद्ध ३४४ रन दयका नेपाःया कीर्तिमान त्वाः थःगु दु।

थ्व स्वया न्ह्यः चीनय् हान्झाउय् जुगु १९ क्वःगु एसियाली कासाय् नेपालं मंगोलियाविरुद्ध ३१४ रन दयका न्हुगु कीर्तिमान तःगु दु। कप्तान सिकन्दर राजा याकचा हे नटआउट १३३ रन दयकूलि जिम्बावे न जाम्बियाविरुद्ध २० ओभरय् ४ विकेट गुमे याना ३४४ रन दयकूगु खः।

राजां ४३ बलय् ७ चौका व १५ छक्काया ग्वहालि नटआउट १३३ रन दयकूगु खः। विकेटकिपर ताडिवानासे मारुमानी न १९ बलय् ९ चौका व ४ छक्काया ग्वहालि ६२ रन दयकूगु खःसा  ब्रायन बेन्नेटं ५० रन दयकूगु खः।

क्लाइभ माडान्डे न १७ बलय् ३ चौका व ५ छक्काया ग्वहालि अविजित ५३ रन दयकूगु खः। जाम्बियाया आन्द्रे जार्जु न निगु विकेट काःगु खः।

Categorized in कासा