विपक्षी दलतय्सं थुगु इलय् सरकारं सुशासनया उपहास याःगु धासे प्रधानमन्त्री केपी शर्मा ओलीयात ज्ञापनपौ लःल्हागु दु।

प्रधानमन्त्री ओलीयात वयकः सरकारी निवास बालुवाटारय् नापलाना विपक्षी दल तय्स मंकाः कथं ज्ञापनपौ लःल्हागु खः।प्रधानमन्त्रीयात लःल्हागु ज्ञापनपतिइ असोज ११ व १२ गते खुसि बा वया पीडित जूपिन्त याकन हे सरकारं ज्या यायेमाः धका धाःगु दु।

ज्ञापनपौ लःल्हायेगु निति नेकपा माओवादी केन्द्रया अध्यक्ष पुष्पकमल दाहाल प्रचण्ड, राष्ट्रिय स्वतन्त्र पार्टीया उपसभापति डोलप्रसाद अर्याल, राष्ट्रिय प्रजातन्त्र पार्टीया अध्यक्ष राजेन्द्र लिङ्देन, एकीकृत समाजवादीया अध्यक्ष माधवकुमार नेपाल व आम जनता पार्टीया अध्यक्ष प्रभु साह न ल्हाःचि तयातःगु खः।

Categorized in राजनीति