प्रधानमन्त्री नाप नेकपा (एमाले) या अध्यक्ष केपी शर्मा ओलीनाप स्वगू दलया शीर्ष नेतापिनिगु बैठक सुरू जूगु दु।

बालुवाटारस्थित प्रधानमन्त्री निवासय् न्ह्यागू उगु बैठकय् नेपाली कांग्रेसया सभापति नाप पूर्व प्रधानमन्त्री शेरबहादुर देउवा, प्रमुख प्रतिपक्षी नेकपा (माओवादी केन्द्र) या अध्यक्ष नाप पूर्व प्रधानमन्त्री पुुष्पकमल दाहाल ‘प्रचण्ड’, गृहमन्त्री रमेश लेखक, माओवादी केन्द्रया उपमहासचिव शक्तिबहादुर बस्नेत, महान्याधिवक्ता रमेश वडालपिनिगु ब्बति दुगु खः।

बैठकय् शान्ति प्रक्रिया टुङ्गय् यायेगु विषयनाप स्वागू सत्य निरूपण व मेलमिलाप आयोग व तनाच्वपि मनूत छानबिनसम्बन्धी आयोग गठन लगायतया विषय सहलह जूगु दु धका प्रधानमन्त्रीया सचिवालयं धागू दु। वंगु भदौ १३ गते राष्ट्रपतिं उगु आयोगसम्बन्धी कानुनयात संशोधन याना विधेयक प्रमाणीकरणय् हःगु खः।

Categorized in राजनीति