येँया पोडे त्वालय् च्वंगु २ नम्बर गल्लीइ ल्वापू जुया छम्ह मनू सीउगु दुु सा खुम्ह घाःपा जूगु दु।

प्रहरीं बिउगु जानकारी कथं येँ महानगरपालिका–१७ पोडे त्वालय् च्वंगु नम्बर गल्लीइ जलाखला दथुइ ल्वापू जुगुलि उगु घटना जूगु धका धाःगु दु। ल्वापू जुगु इलय् हतियारं प्रहार जूया ३३ दँ दुम्ह अनित पुनारी मदुगु खः।

उगु घटनाय् स्थानीय सुबिन्द्र पोडे, किरण पुजारी, दिनेश पुजारी, माया पुजारी, विक्रम पुजारी, अमृत पुजारी घाःपाः जूगु खः। उमित शिक्षण अस्पताल, राष्ट्रिय ट्रमा सेन्टर व पिपुल्स अस्पतालय् वासः याना च्वंगु दु।

घटनाय् दुथ्यापि न्ह्यय् म्हेसित प्रहरीं ज्वनातःगु दु। सुजल देउला, अमृत पुजारी, सागर देउला, रबिन्द्र पोडे, कलेनी पुजारी, टिकामाया पुजारी व सञ्जाली पुजारी प्रहरी बृत्त लैनचौरय् तयातःगु दु।

घटनाबारे जिल्ला प्रहरी परिसर काठमाडौं व प्रहरी बृत्त लैनचौरं अनुसन्धान यानाच्वंगु दु धका प्रहरीं धाःगु दु।

Categorized in अपराध