दीपा विष्टं कजाखस्तानय् स्वर्ण त्याकल
क्षितिज श्रेष्ठ | दिल्लागा दुतिया ११४४, साउन ८ मंगलवाः
![](https://www.lahananews.com/sites/default/files/deepa.jpg)
झीछक्वःगु विश्व स्ट्रेन्थलिफ्टिङ व इन्क्लाइन बेन्चप्रेस (आईबीपी) च्याम्पियनसिपय् नेपाःया दीपा विष्टं स्वर्ण त्याकूगु दु। कजाखस्तानय् जूगु कासाय् ८० किलो प्लस ल समूहय् इन्क्लाइन बेन्च प्रेस (आईबीपी)य् स्वर्ण त्याकूगु खः।
९५ किलो तौल समूहय् ब्वति काःम्ह विष्टं आईबीपी च्याम्पियनसिपय् स्वक्वःगुखुसि नेपाःया नितिं स्वर्ण त्याकूगु खः। वय्कःयात स्वर्ण पदकया लिसें दसिपौ व ट्रफी लःल्हाःगु खः।
विष्टं वंगु दँ भारतया हैदराबादय् जूगु झिक्वःगु संस्करणया च्याम्पियनसिपय् ९० किलो ल्ह्वनाः कीर्तिमान तःगु खः। व स्वया न्ह्यः किर्गिस्तानय् जूगु न्याक्वःगु संस्करणय् न्हापांखुसी ७२ किलो ल्ह्वनाः नेपाःया नितिं स्वर्ण त्याकूगु खः।
Categorized in मनोरन्जन