प्रधानमन्त्री ओलीयात प्रतिनिधिसभाय् निगु तिहाइ सांसदया समर्थन
लहनान्युज | दिल्लाथ्व पुन्ही ११४४, साउन ६ आईतवाः
प्रधानमन्त्री केपी शर्मा ओलीं प्रतिनिधिसभाय् निगु तिहाइ सांसदया समर्थन काःगु दु।
प्रतिनिधिसभाया २७५ म्ह सदस्यमध्ये थौ आइतवाः ओलीं तःगु विश्वासया मतसम्बन्धी प्रस्तावया पक्षय् १८८ म्ह सांसदपिन्स मतदान याःगु खः। अथेहे विपक्षय् ७४ मत वःगु खःसा छम्ह तटस्थ च्वंगु खः।
प्रधानमन्त्री केपी शर्मा ओलीं प्रतिनिधिसभाय् निगु तिहाइ सांसदतय्गु समर्थन काःगु खः। प्रधानमन्त्री ओलीयात नेपाली कांग्रेस, नेकपा एमाले, जनता समाजवादी पार्टी, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी व स्वतन्त्र सांसदपिन्स मत बिउगु खः।
नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी व एकीकृत समाजवादीं धासा विपक्षय् मत बिउगु खः। नेपाल मजदुर किसान पार्टीया छम्ह सांसद प्रेम सुवाल तटस्थ च्वंगु खः। संसदय् थौ २६३ म्ह सांसदपि उपस्थित दुगु खः।
Categorized in राष्ट्रिय
