प्रधानमन्त्री केपी शर्मा ओलीं मुक्कं देय् निराश जुयाच्वंगु दु धका धयादीगु दु। प्रतिनिधिसभाया आइतबाः च्वंगु बैठकय् विश्वासया मतया निंतिं इनाप यासें ओलीं ०४६ लिपाया पुस्तां न्हापांखुसी थुज्वःगु अप्पो निराशा खंगु धका धयादिगु दु।

अर्थतन्त्र अस्तव्यस्त अवस्थाय् वना च्वंगु दु धका धयादीसे वय्कलं ‘आयात निर्यात म्हो जूगु दु’ धयादिल। लिबाःसां नं लक्ष्य कथं ७६ प्रतिशत जक राजश्व मुंके फयाच्वंगु दु। थुकिं देय्या अर्थतन्त्रय् गुलि तःधंगु समस्या ब्वलंगु दु धइगु सिइदु।

वय्कलं बैंकय् ध्यबा मुनाच्वंगु व ब्याजदर म्हो जूगु इलय् नं व्यवसायी लगानी यायेत तयार मजूगु खँ कनादिल। ओलीं धाःगु दु, “सरकार स्टन्टम्यान जुल, सरकारं इमिगु खँ रोके यानाः न्यन, अले इमिसं ज्या याये मफुत।” वय्कलं थःगु सरकारया प्राथमिकताया बारे संसदयात जानकारी बियादीगु खः।

Categorized in राष्ट्रिय