नेकपा माओवादी केन्द्र बागमती प्रदेश संसदीय दलया सुझाव लिपा मुख्यमन्त्री शालिकराम जमकट्टेलं प्रदेशसभायात सम्बोधन यानाः राजीनामा बीत्यंगु दु।

माओवादी केन्द्रया प्रमुख सचेतक रत्नप्रसाद ढकालं संसदीय दलया आइतबाः च्वंगु बैठकय् संसदीय दुजःपिन्सं राजीनामा बीत सुझाव ब्यूगु जानकारी बियादीगु खः। संसदीय दलं राजीनामा बीत सुझाव ब्यूगु दु। पार्टीया सुझावयात मुख्यमन्त्रीं कार्यान्वयन याइ।’ ढकालं धयादीगु दु।

थ्वसिबें न्ह्यः जमकट्टेलं विश्वासया मत कायेगु उद्देश्यं प्रस्ताव दर्ता याःगु खः । साउन ५ गते च्वंगु कार्यव्यवस्था परामर्श समितिया बैठकं विश्वास मतया नितिं कार्यसूची दयेकूगु खः।

Categorized in राष्ट्रिय