नेपाली कांग्रेस बागमती प्रदेश संसदीय दलया बैठकं बहादुर सिंह लामायात मुख्यमन्त्री दयकेगु सर्वसम्मतिं निर्णय जूगु दु। थौ आइतबाः सुथय् हेटौन्डाय् च्वंगु संसदीय दलया बैठकं लामायात मुख्यमन्त्रीया उम्मेदवार दयेकेगु निर्णय याःगु खः।

प्रदेशया सांसद रमेश महतं धयादी कथं, “सुथय् च्वंगु संसदीय दलया बैठकं सर्वसम्मतिं बहादुर सिंह लामायात मुख्यमन्त्रीया उम्मेदवार दयेकेगु निर्णय याःगु खः।

”बागमती प्रदेशसभाय् कांग्रेसया ३७ म्ह सांसद दु। लामा बागमती प्रदेशसभाय् कांग्रेस संसदीय दलया नेता नं खः। प्रदेश अध्यक्षलिसें प्रतिनिधिसभा सदस्य इन्द्र बानिया नं मुख्यमन्त्री जुइगु इच्छा प्वंकादीगु खः। संविधानया धारा १६८ (२) कथं पार्टीया नेता बाहेक मेपिं मनूतय्सं नं मुख्यमन्त्रीया दावी याये दइ।

Categorized in राष्ट्रिय