बंगलादेशय् ब्वनाच्वंपिं १७ म्ह विद्यार्थीपिन्त नेपाः हइगु
लहनान्युज | दिल्लाथ्व पुन्ही ११४४, साउन ६ र्आइतवाः
![](https://www.lahananews.com/sites/default/files/banganladesh_0.jpg)
थौं बंगलादेशय् ब्वनाच्वंपिं १७ म्ह विद्यार्थीपिन्त नेपाः हयेत्यंगु दु।
प्रधानमन्त्री केपी शर्मा ओलीं बंगलादेशय् ब्वनाच्वंपिं विद्यार्थीपिन्त थौं हे नेपाः हयेगु धका धयादीगु दु।प्रधानमन्त्रीं सम्बन्धित परिवारया इनाप कथं थौं हे बंगलादेशया सावर क्षेत्रय् च्वंगु इनाम मेडिकल कलेजय् ब्वनाच्वंपिं उपिं विद्यार्थीपिन्त लित हयेगु व्यवस्था यानागु जानकारी बियादिगु दु।
“बंगलादेशय् सरकारी सेवाय् कोटा प्रणाली खारेज यायेमाःगु माग यासें विरोधया कारण अन चिकित्सा शिक्षा ब्वनाच्वंपिं नेपाली विद्यार्थीपिन्सं थःपिं असुरक्षित जूगु धयाच्वंगु खः। जिं थौं उपिं विद्यार्थीपिनिगु छेँजःलिसे नापलाना। छेँजःया इनाप कथं १७ म्ह सावर क्षेत्रया इनाम मेडिकल कलेजय् अध्ययन यानाच्वंपिं नेपाली विद्यार्थीपिन्त कन्हय् सुथय् ४ ता इलय् ढाका एयरपोर्टय् हया येँ हयेगु व्यवस्था मिले यानागु दु।’ प्रधानमन्त्री ओलीं शनिवाः बहनी सामाजिक संजालय् च्वःगु दु।
Categorized in राष्ट्रिय