प्रधानमन्त्री केपी शर्मा ओलीं थौ विश्वासया मत काइगु
लहनान्युज | दिल्लाथ्व पुन्ही ११४४, साउन ६ र्आइतवाः
![](https://www.lahananews.com/sites/default/files/kkp_4.jpg)
प्रधानमन्त्री केपी शर्मा ओलीं थौ विश्वासया मत काइगु जुगु दु।थौ प्रतिनिधि सभाया बैठक न्हिनय् १बजे च्वनिइगु जुगु दु।
निगु व निगु स्वया अप्पो दलया समर्थनय् नियुक्त जूम्ह प्रधानमन्त्रीं ३० दिं दुने प्रतिनिधिसभापाखे विश्वासया मत कायेमाःगु संवैधानिक प्रावधान दु। प्रधानमन्त्री ओली नेपाली कांग्रेसया समर्थनय् असार ३० गते प्रधानमन्त्रीइ नियुक्त जुयादीगु खः।
२७५ सदस्यीय प्रतिनिधिसभाय् विश्वासया मतया निति १३८ मत माः। ओलीनाप २ तिहाई बहुमत खने दु। कांग्रेस (८८), एमाले (७९), जसपा (७) व लोसपा (४) सरकारय् दु सा जनमत, नागरिक उन्मुक्ति लगायतया दलया न समर्थन याइगु जुगु दु।
विपक्षय् माओवादी केन्द्र, एकीकृत समाजवादी, रास्वपा व राप्रपालगायत दलपि दु।
Categorized in राष्ट्रिय