विश्वप्रसिद्ध म्येहालामि एडेलं थःगु आःया भ्रमण लिपा ‘म्यूजिकल ब्रेक’ कायेगु खँ कनादीगु दु।

जर्मनीया म्युनिखय् च्वंगु जेडडीएफ मिडियायात धाःगु दु, “थ्व इलय् जिगु ट्यांकी खाली दु, थुगु इलय् न्हूगु संगीतया निंतिं जिके छुं योजना मदु।”एडेलं धाःगु दु, “थ्व फुक्कं लिपा जितः तःधंगु ब्रेक माः, जितः छुं ईया निंतिं मेमेगु रचनात्मक ज्या यायेगु इच्छा दु।”

आःतक जिं छेँय् म्ये तकं मल्हाना। थ्व गुलि अजू चायापुगु खः? पपस्टारया लिपांगु एल्बम २०२१ य् पिहां वःगु खः। एडेलं वंगु निदँ अमेरिकाया लस भेगासय् च्वना च्वंगु खः। नकतिनि जक प्यद्धः सिट दुगु सिजर्स प्यालेसय् ९० क्वःगु शो पूवंकूगु खः। एडेलया शो नोभेम्बरय् क्वचाइ। वं थःत थुगु इलय् भावनात्मक रुपं नुगः क्वतुंगु तायेकल। स्वकुमिपिनिगु थ्व भीड व्यवस्थापन याये बहःजू।

वास्तवय् भावनात्मक आदानप्रदान नं जूगु दु।” म्युनिखय् जूगु शो लिपा हरेक बहनी जिं उकियात अप्वः महसुस यायेगु पक्का खः।” तर थ्व सकारात्मक खँ खः। थ्व उर्जा आदानप्रदान जक खः। भेगासय् जुयाच्वंगु दक्वं कन्सर्ट ग्वसाः ग्वगु कथं जुयाच्वंगु मदु धका धाःगु दु।

वयागु म्युनिख शो वयागु लस भेगास रेसिडेन्सी स्वयां बिस्क फरक जुइ। थुगु शोय् वय्कःयात ७४ हजार स्वकुमिपिन्सं स्वइगु अनुमान याःगु दु। ३६ दँ दुम्ह बेलायती म्येहालामि एडेलं १६ गू ग्रामी अवार्ड त्याकूगु खः।

Categorized in मनोरन्जन