१८ गू कम्पनीया शेयर भाः आःतकया दकलय् अप्वो थ्यन
शोभा श्रेष्ठ | दिल्लाथ्व द्धादशी ११४४, साउन ३ बिहीवाः
![](https://www.lahananews.com/sites/default/files/sher-2.jpg)
शेयर बजाः अप्वया वनाच्वंगुलिं डेढ दर्जन कम्पनीया मू आःतकया दकलय् अप्वः जूगु दु। बुधवाः नं भाः अप्वः कायम जूगु कम्पनीत मध्ये अप्वो धइथें न्हापाया बुल फेज क्वचायेधुंकाः प्रारम्भिक शेयर (आइपीओ) जारी याःगु कम्पनी खः।
थुगु इलय् छुं नं क्षेत्रया सूचकं रेकर्ड उच्च याःगु मदुनि। अय्न १८ गू कम्पनीया भाः धाःसा आःतकया दकलय् अप्वो जूगु दु। १८ गू कम्पनीया भाः आःतक दकलय् अप्वः जूगु दुसा थ्व स्वयां न्ह्यः हे बोनस शेयर वा राइट्स शेयरया हकय् समायोजन याःगु खः। आःतक दकलय् अप्वः मू दुगु कम्पनीत अप्वः धइथें जलविद्युत जूगु दु।
बुधवाः कारोवार बन्द जुगु इलय् १८ गू कम्पनीया भाः आःतकया दकले अप्वः जूगु खः। उकी मध्ये छगू होटल, छगू विकास बैंक, छगू वित्त कम्पनी दुसा ल्यं दुगु १५ गू जलविद्युत कम्पनी खः। सिटी होटल, ग्रीन डेभलपमेन्ट बैंक व मल्टिपर्पस फाइनान्सया भाः आःतकया दकलय् अप्वः जूगु दु।
आःतक दकलय् अप्वः भाः थहावःगु जलविद्युत कम्पनीत मध्ये मन्दाकिनी हाइड्रोपावर, माइखोला हाइड्रोपावर, सानिमा मिडिल तमोर, सुपर माइ हाइड्रोपावर, सीईडीबी हाइड्रोपावर, ग्रीन भेन्चर, अपर सोलु हाइड्रोपावर, भूगोल इनर्जी, माथिल्लो मैलुङखोला, मेन्छियाम हाइड्रोपावर, अपरहेवाखोला, इङवा हाइड्रोपावर, रावा इनर्जी, सिक्लेस हाइड्रोपावर र सयपत्री हाइड्रोपावर कम्पनीया शेयर भाः थहावःगु दु।
Categorized in राष्ट्रिय