अमेरिकाया नांजाःम्ह ¥यापर विज खलिफायात गिरफ्तार याःगु दु। रोमानियाया प्लीज फेस्टिभलय् सांगितिक ज्याझ्वः न्ह्य ब्बयाच्वंगु इलय् गाँजा त्वनाच्वंगु इलय् अवैध लागू वासः त्वःगु द्वपनय् वयात गिरफ्तार याःगु खः।

रोमानियाया संगठित अपराध विरोधीं अभियोजकं छगू प्रेस विज्ञप्ति पिथनाः धाःगु दु, “लागु पदार्थ गैरकानूनी संगठित अपराध व आतंकवादया अनुसन्धान निर्देशनालयया अभियोजकं प्रतिवादी (अमेरिकी नागरिक) विरुद्ध फौजदारी मुद्दा न्ह्याकेत आदेश ब्यूगु दु।” वक्तव्यय् धयातःगु दु, “कन्स्टान्टा काउन्टीया कोस्टिनेस्टी रिसोर्टय् जूगु छगू कन्सर्टय् विज खलिफां १८ ग्राम स्वयां अप्वः भांग त्वंगु खःसा स्टेजय् क्राफ्ट चुरोटया आकारय् गाँजा त्वंगु खः।”

बुखँ कथं सुथय् १० गू ग्रामी अवार्डया नामांकन विज खलिफालिसें मेपिंत न्यनेकनेया नितिं हिरासतय् तःगु खः। आः वयात त्वःत्य धुकुगु दु। अनलाइनय् तयातःगु छगू भिडियोय् खलिफायात रोमानियाया प्रहरीं घेरे यानाः महोत्सवया थासं पिने यंकूगु खनेदूगु दु।

रोमानियाय् गांजा तयातःसा १० दँ तक जेल सजाय जुइ। खलिफां एक्सय् पोष्ट यानाः रोमानिया देय् प्रति थःत सम्मान दु धकाः धाःगु दु । वं धाःगु दु, “उमिसं तसकं सम्मान याइ, जितः त्वःताबिल, जि याकनं हे लिहां वये।”

Categorized in मनोरन्जन