न्हूगु सतकय् फुटपाथ तब्या यायेगु ज्या न्ह्याकल
लहनान्युज | दिल्लाथ्व एकादशी ११४४, साउन २ बुधवाः
![](https://www.lahananews.com/sites/default/files/new-road.jpg)
येँ महानगरं न्हूगु सतक क्षेत्रया फुटपाथ तब्या यायेगु ज्या हाकनं न्ह्याकूगु दु।
उच्च अदालतं फुटपाथ तब्या यायेगु लँपु चायेकेधुंकाः बुधवाःनिसें महानगरं ज्या न्ह्याकूगु दु।सडक डिभिजन कार्यालयया हस्तक्षेप विरुद्ध महानगरं पाटन उच्च अदालतय् रिट दर्ता याःगु खः।
रिटया सुनुवाईया झ्वलय् उच्च अदालतं शहरी सतक स्थानीय तहया मातहत जुइगु धासें न्हूगु सतकय् पदमार्ग विस्तार मयायेत अन्तरिम आदेश ब्यूगु खः। पाटन उच्च अदालतया न्यायाधीश ध्रुवराज नन्द व प्रकाश खरेलया मंकाः इजलासं न्हू सतकय् पदमार्ग विस्तार रोके यायेत येँ महानगरयात च्वःगु पौ कार्यान्वयन मयायेत महाशाखा सडक कार्यालययात इनाप याःगु दु।आः लँ म्हुइगु ज्या न्ह्याकूगु दु।
Categorized in राष्ट्रिय