त्रिभुवन अन्तर्राष्ट्रिय विमानस्थलय् प्रहरीं छम्ह भारतीय नागरिकयात भन्सारयात छले याना ९९ ग्राम व ४१ मिलीग्राम लुँथें जाःगु ह्याउँगु धातु ज्वंगु दु।

केन्द्रीय प्रहरी प्रवक्ता व प्रहरी नायब महानिरीक्षक दानबहादुर कार्कीं ४१ दँया दीपक जयरामदास घिन्दयात गिरफ्तार यानागु धका जानकारी ब्यूगु दु।

वय्कलं धयादी, ‘त्रिभुवन अन्तर्राष्ट्रिय विमानस्थलय् भन्सार जाँचया झ्वलय् म्हिगः बहनी सर्जाहां येँ वःम्ह वयात ज्वंगू खः।’ वयाके छपू सिखः, निगु बाला, प्यंगः मोबाइल व प्यंगः ल्यापटप नं बरामद याःगु दु।

थुकिया बारे माःगु अनुसन्धान जुयाच्वंगु धका प्रवक्ता कार्कीं जानकारी ब्यूगु दु।

Categorized in अपराध