बागमती प्रदेशया मुख्यमन्त्री शालिकराम जमकट्टेलं साउन ६ गते विश्वास मत काइगु जूगु दु।

एकीकृत समाजवादी पार्टीया नेता कृष्णप्रसाद खनालं सोमवाः सुथय् मुख्यमन्त्री निवासय् सत्तारुढ साझेदार पार्टी नेकपा (एकीकृत समाजवादी) व हाम्रो पार्टी नेपाल दथुइ सहलह लिपा विश्वासया मत कायेगु निर्णय जूगु जानकारी बियादीगु खः।

न्हापांगु वाःया दुने मुख्यमन्त्री जमकट्टेल साउनया साउन ६ गते विश्वासया मत कायेत्यनागु जानकारीलिसें प्रदेशसभा सचिवालययात पौ लःल्हाःगु दु। असार २४ गते नेकपा एमालें सरकारयात ब्यूगु समर्थन लित कायेवं अल्पमतय् लाःगु जमकट्टेलं प्रदेशसभाय् विश्वासया मत कायेमालीगु जूगु खः।

प्रदेशसभाय् मुख्यमन्त्रीया विपक्षय् दूगु नेपाली कांग्रेस व नेकपा एमालेया बहुमत दुगुलिं वय्कः पदं मुक्त जुइगु निश्चित खनेदु।

२०७९ पुस २५ गते एमाले, राप्रपा, माओवादी केन्द्र व एकीकृत समाजवादी पार्टीया शक्ति समीकरणपाखें माओवादी केन्द्रया जमकट्टेल मुख्यमन्त्री जूगु खः।

Categorized in राजनीति