रोड्री युरो २०२४ या उत्कृष्ट कासामि घोषित
क्षितिज श्रेष्ठ | दिल्लाथ्व एकादशी ११४४, असार ३१ सोमवाः
च्याम्पियन स्पेनया मिडफिल्डर रोड्री युरो २०२४ या उत्कृष्ट कासामि घोषित जूगु दु।
स्पेनयात प्यक्वःगु पटक युरो उपाधि त्याकेगु लागि मिडफिल्डय् उत्कृष्ट प्रदर्शनयाःम्ह रोड्रीं उत्कृष्ट कासामिया अवार्ड त्याकूगु खः।
बर्लिनया ओलम्पिक स्टेडियमय् जूगु फाइनल कासाय् इंग्ल्याण्डयात २–१ गोलं बूका स्पेन च्याम्पियन जूगु खः। स्पेनं युरो २०२४ या न्ह्ययेगू हे कासा त्याकेत ताःलागुलि रोड्रीया बिशेष भुमिका दुगु खः। मूक्क कासाय् छगू गोल तक याःगु खः।
रोड्रीं मूक्कं ५२१ मिनेट कासा म्हितुगु खः। उगु कासाय् ४३९ पासय् अटेम्प यायेवलय् ४११ पास कम्प्लिट याःगु खः। सन् १९९६ निसे उत्कृष्ट कासामिया अवार्ड लःल्हाना वयाच्वंगु खः।
आःतक उत्कृष्ट कासामि थुकथं दु
१९९६ : माथिएस सामर जर्मनी
२००० : जिनेदिन जिदान फ्रान्स
२००४ : थिओडोरोस जागोराकिस ग्रीस
२००८ : जाभी हर्नान्डेज स्पेन
२०२१२ : आन्द्रेस इनेष्टा स्पेन
२०१६ : एन्टोनइन ग्रीजमा फ्रान्स
२०२० : जियानजुइजी डोनारुम्मबा इटली
Categorized in कासा
