शेयर बजाः थौ निगु ल्याखं थहावःगु दु।शेयर बजाः परिसूचक नेप्से थौ २१ दशमलव २७ अङ्कं थहावना २ हजार १ सय ४० दशमलव ९७ विन्दुइ थ्यःगु दु।

विकास बैंक, फाइनान्स र व्यापार बाहेक दक्को समूहया शेयर थहावःगुलि होटल, बीमा, व उत्पादन, माइक्रोफाइनान्स समूहया शेयर यक्को थहावःगु दु।

थौ सीईडीबी हाइड्रोपावर, नेशनल लघुवित्त, निफ्रा व केबीएल डिबेन्चर २०८६ या शेयर ५ प्रतिशत स्वया अप्पो थहावःगु दु।अथेहे मैलुङ खोला जलविद्युत् कम्पनीया शेयर धाःसा १० प्रतिशतं कुहावःगु दु।

३ सय २५ गु कम्पनीया १ करोड ४० लाख कित्ता शेयर ६ अर्ब २९ लाख रुपैयाँ न कारोबार जूगु दु। दकलय् अप्पो थौ एनआरएन इन्फ्रास्ट्रक्चर एन्ड डेभलपमेन्ट कम्पनीया २१ करोड रुपैयाँ बराबरया शेयर कारोवार जूगु दु।

Categorized in राष्ट्रिय