एमालें सरकारयात बियातःगु समर्थन लितकाल
लहनान्युज | तछलागा त्रयोदशी ११४४, असार २० बिहीवाः
नेकपा एमालें सरकारयात बियातःगु समर्थन लित काःगु दु।
एमाले अध्यक्ष केपी शर्मा ओलीं प्रधानमन्त्री पुष्पकमल दाहाल प्रचण्डयात छगु पौ च्वया राष्ट्रिय सरकार गठन याना राजनीतिक स्थायित्व बिइगु उद्देश्यं न्हुगु सरकार गठन यायेत कुतः जुयाच्वंगुलि सरकारयात बियातयागु समर्थन लित कयागु धका धाःगु दु।
ओलीें सरकारयात बियातःगु समर्थन बुधवाः निसे लागू जुइगु कथं धका उल्लेख यानातःगु दु। समर्थन लितकाःगु पौ नाप एमालेपाखे मन्त्री जूपि च्याम्ह म्हिगः बुधवाः हे प्रधानमन्त्री प्रचण्डयात राजीनामा लःल्हागु खः।
असार २१ गते प्रचण्डं कांग्रेसनाप गठबन्धन त्वाःथला एमालेनाप सहमति याना एमालेपाखे च्याम्ह मन्त्रीपि सरकारय् दुथ्यागु खः।
