जनता समाजवादी पार्टी नेपालया नेता मनिष सुमनं थःगु पार्टीं एमाले–कांग्रेसया सरकारयात समर्थन याइगु जुगु दु।

वयकलं कांग्रेस–एमाले गठबन्धनया सरकारय् वनेगु व मवनेगु धइगु पार्टीया बैठकं क्वछिइगु धका धाःगु दु। संसदय् निगु तघःगु दल कांग्रेस व एमाले संविधान संशोधनया एजेन्डानाप ‘राष्ट्रिय सहमतिया’ सरकार दयकेगु सहमत जूगु खः।

निर्वाचनलिपा निदँ दइगु इलय् माओवादीपाखे पालंपाः सरकार दयकेगुलि धोका बिइगु धका धाःगु दु। आः न्हुगु सरकारय् दक्को दल दुथ्याका सहमतिया सरकार दयकेगुलि न्ह्या वना च्वंगु दु।

Categorized in राष्ट्रिय