‘नेपाःमि झी’ म्युजिक भिडियो महेशमान डंगोल ‘लँजुवाः’ नं च्वयादीगु छगु ज्याझ्वः दथुइ पितब्बज्या जुगु दु।

आइतवाः सिटिसि मलया सिनेप्लेक्सय् जूगु पितब्बज्याय् मूपाहां कथं वरिष्ठ गायक जुजुकाजी रंजित झाःगु खःसा बिशेष पाहाँ कथं वरिष्ठ संगीतज्ञ अमरराज शर्मा झायादीगुलि प्रकाश साय्मि व बिजयरत्न असंबरे समीक्षक कथं झायादीगु खः।

निल शाक्यया लसय् तयार जूगु थुगु म्येय् आशिष डंगोल, सजल महर्जन, कुञ्जनी महर्जन व यज्जु शिल्पकारं सः बियादीगु दु। राष्ट्रिय भावं जाःगु नेपालभाषा संगीत व रामकृष्ण खड्गीं निर्देशन यानादीगु खः। भूपेन्द्र बज्राचार्यं म्यूजिक एरेन्ज, रेकर्डिङ्ग व मिक्सिङ्ग फिरोज बज्राचार्यं, सम्पादन बालकृष्ण बंशीं यानादीगु खःसा संकिपाया छाँयाकन व कलरिङ्ग रक्की महर्जनं, ग्राफिक्सया ज्या राजन शाक्यं यानादीगु खः।

महेशमान डंगोलया सभाध्यक्षताय् जुगु उगु ज्याझ्वलय् लसकुस न्वचू रामकृष्ण खड्गीं बियादीगु खः। पाहांपिं जुजुकाजि रंजित, अमरराज शर्मा, प्रकाश साय्मि, विजयरत्न असंबरे, संगीतकार निल शाक्यपिंसं नुगः खँ तयादीगु ज्याझ्वःया संचालन संचारकःमि प्रमिला मानन्धरंं यानादीगु खः।

Categorized in मनोरन्जन