प्रतिनिधि सभाया बैठक स्थगित
लहनान्युज | तछलाथ्व चतुर्दशी ११४४, असार ५ बुधवाः
संसद् सचिवालयया कर्मचारीतय्स ‘ब्ल्याक आउट’ याना प्रतिनिधि सभाया बैठक स्थगित जूगु दु।
स्वास्थ्य लिसे जनसंख्या मन्त्रीं बजेटय् वःगु न्ह्यसःया लिसः बिइ धुका सांसदतयेगु न्ह्यसः न्यना च्वंगु इलय् प्राविधिक कर्मचारीतय्स सभामुखयात जक क्यना युट्युबटं प्रत्यक्ष प्रसारण याःगु खः।
थःपिन्स न्यनागु न्ह्यसः न्यना च्वनागु इलय् प्रत्यक्ष प्रसारणय् सभामुखयात जक क्यना च्वंगु धासे सांसदतय्स विरोध याःगु खः। ‘ब्ल्याक आउटय् सदन मन्ह्याके’ धका नेपाली कांग्रेसया सांसद रामहरि खतिवडां धाःगु खः।
प्रतिनिधि सभाया मेगु बैठक बिहीवाः सुथय् ११ बजे सःतूगु दु। संसद् सचिवालयया कर्मचारीतय्स तलब भत्ता, आवास भत्ता व शैक्षिक भत्ता अप्पोके माःगु माग यासे आन्दोलन याःगु खः।
Categorized in राष्ट्रिय
